Батыр булан къурдаш бол
Чабувуллар алды къылычлы,
Къылычлар ерге чапса оьтерми?
Тюбюндеги аргъумагъын берсе де,
Атолу бийге къуллукъ этерми?
Сабур тюбю сары алтын,
Сабургъа зат етерми?
Алгъасагъан гишини иши онг болмас,
Бармакъларын хапгъан булан сонг болмас.
Ярлылагъа гюн чыкъмас,
Янгызлагъа танг болмас.
Бола бусанг батыр булан къурдаш бол,
Ол батырда сенден аяр жан болмас.
Осаллар булан къурдаш болма чы.
Къыйын гелген сени гюнюнгде
Ол осаллар сагъа гелип ян болмас.
Эренлер тарымасдай иш гелсе,
Ат гётермес авур намус иш гелсе,
Ашналар булан ювукъ сырдашны
Ашгереге салма сюйсенг, къара чы.
Къурдашларынг сени ишинге чалышмас,
Къувунларда янсыз гёрсе болушмас;
Тыгъырыкъда сагъа не демес,
Къардашларынг сени ишинге юдамас.
Самалардан саллар созулмас,
Сабурланы иши санда бузулмас.
Яманлар явда язылмас,
Ягъалашгъан сени гюнюнгде
Къардашларынг баш-башына тозулмас.
Чапгъанда яман чюй алмас,
Чагъылышгъан сени гюнюнгде,
Къардашларынг бир сени учун уялмас.
Перевод:
С Батыром дружи
Как можно меч, уместный в буйных схватках,
Вонзая в грунт, не затупить?
Пусть бий атолу даст хоть аргамака,
Атолу бию станет ли служить?
На дне терпенья золото хранится,
Не лучше ли терпенье нам хранить?
Кто поспешит, – успеха не видать,
Хоть будет пальцы он потом кусать.
Для бедного и солнце не встает,
Для одинокого – все не начнет светать.
А коль дружить, с батыром ты дружи,
Батыр за друга жизнь готов отдать.
Но с трусами ты лучше не водись.
Когда настанет в жизни трудный час,
Трус от врагов не станет защищать.
Бывают дни – все гибнет на корню,
Их тяжесть не под силу и коню.
И если ты захочешь испытать
Друзей-приятелей своих, так вот гляди, —
Друзья твои от дела в стороне,
Едва почувствуют, что ты – не на коне,
На помощь не придут в проулочке глухом,
Когда сражаешься ты со своим врагом,
Всяк думает: какое дело мне?
Из глины сколотить не сможешь плот,
Спокойный никогда не пропадет,
Злой в памяти народной не живет.
Когда настанет твой печальный час,
Родня твоя всегда к тебе придет.
Плохой на скачках приза не возьмет.
Когда тебе на свете станет трудно,
Тебя родня ни в чем не упрекнет.
Автор: Йырчы Къазакъ (Жыршы Қазақ) - поэт, основатель кумыкской литературы (1830-1879).
Комментариев нет:
Отправить комментарий